၀က်ကင်စ် ဗီလိန်ဖြစ်ခဲ့ပြီး မနှစ်က အိမ်ကွင်းရှုံးကြွေးကို ပြန်ဆပ်နိုင်ခဲ့တဲ့ အာဆင်နယ်
၂၅၊ သြဂုတ်လ၊ ၂၀၂၄
အခုပွဲမှာ အက်စတွန်ဗီလာအသင်းအတွက် ဗီလိန်ဖြစ်ခဲ့ရတာက တိုက်စစ်မှူးအိုလီဝက်ကင်စ်ပါပဲ။
အခုပွဲမှာ အက်စတွန်ဗီလာအသင်းအတွက် ဗီလိန်ဖြစ်ခဲ့ရတာက တိုက်စစ်မှူးအိုလီဝက်ကင်စ်ပါပဲ။
ပထမပိုင်းမှာ ပယ်နယ်တီဧရိယာအတွင်း ဂိုးသမားနဲ့တစ်ယောက်ချင်း လွတ်လွတ်ကျွတ်ကျွတ် အပိုင်ကန်ခွင့်ရတာကို ဘေးချော်ကန်ခဲ့ပြီး ဒုတိယပိုင်းမှာ သေချာပေါက်ဂိုးကိုဂိုးရမဲ့ အခွင့်အရေးကလည်း သူ့ရဲ့အဆုံးသတ်မှု ညံ့ဖျင်းတာကြောင့် လွဲချော်ခဲ့ပြန်ပါတယ်။
ပထမပိုင်းမှာ အာဆင်နယ်တို့ ဘောလုံးပိုင်ဆိုင်မှုအသာနဲ့ ကစားနိုင်ပေမဲ့ အခွင့်အရေးကြီးကြီးမားမား မရဘဲ ဆာကာရဲ့ကန်ချက်ကို အီမီလီယာနိုမာတီနက်ဇ် ပုတ်ထုတ်ခဲ့တဲ့ တစ်ကြိမ်လောက်သာ ဂိုးပေါက်တည့်မှုရှိခဲ့ပါတယ်။
ပထမပိုင်းတစ်ပိုင်းလုံး ကစားကွက်ပျက်နေတဲ့ အက်စတွန်ဗီလာတို့ ဒုတိယပိုင်းမှာတော့ ရော်ဂျာစ်၊ အိုနာနာတို့က Solo Run တွေနဲ့ အာဆင်နယ်ကို ဒုက္ခပေးခဲ့ပြီး နှစ်ယောက်စလုံးရဲ့ ကြံ့ခိုင်မှုကြောင့် အာဆင်နယ်ကွင်းလယ်ခံစစ်နဲ့နောက်ခံလူတွေ မထိန်းချုပ်နိုင်ခဲ့ပါဘူး။
ဒုတိယပိုင်းမှာ အိုနာနာရဲ့ကန်ချက် ဂိုးဘားတန်းထိပြီးတော့ ပြန်ကျလာတာကို ဝက်ကင်စ် ပြေးဝင်ခေါင်းတိုက်ပေမဲ့ အာဆင်နယ်ဂိုးသမားရိုင်ယာ မယုံနိုင်လောက်အောင် လက်စွမ်းပြကာကွယ်နိုင်ခဲ့ပါတယ်။
မိနစ်ပိုင်းအကြာမှာပဲ ညာခြမ်းကနေ ဆာကာ ထိုးဖောက်ပြီး ဂိုးရှေ့ဖြတ်ချိုးပေးလိုက်တာကို ထရော့ဆာ့ဒ်က အလိုက်သင့်ကန်သွင်းခဲ့တာကြောင့် အာဆင်နယ် အဖွင့်ဂိုးရခဲ့ပါတယ်။
ဆာကာဟာ အခုပွဲမှာ ပရီးမီးယားလိဂ်ပွဲ ၁၀၀ ပြည့်မြောက်သွားပြီး ဖာဘရီဂတ်စ်၊ ရွန်နီ၊ ဖိုဒန်တို့နဲ့အတူ အသက် ၂၃ နှစ်မတိုင်ခင် ပရီးမီးယားလိဂ်ပွဲ ၁၀၀ နဲ့အထက်ကစားခဲ့တဲ့ စတုတ္ထမြောက်ကစားသမားအဖြစ် မှတ်တမ်းဝင်ခဲ့ပါတယ်။
မာတင်နယ်လီနေရာမှာ ထရော့ဆာ့ဒ် ဝင်လာပြီးနောက်ပိုင်းမှ အာဆင်နယ် ဘယ်ခြမ်းတိုက်စစ် အလုပ်ဖြစ်ခဲ့ပြီး ထရော့ဆာ့ဒ်ကြောင့် ရတဲ့ Space တွေကနေ ဒီကလန်ရိုက်စ်က Box To Box အဖြစ် တိုက်စစ်လိုက်ကစားခဲ့ပါတယ်။
၇၇ မိနစ်မှာတော့ ဆာကာ ခင်းပေးတာကနေ ပါတေးက အဝေးကန်ချက်နဲ့သွင်းခဲ့ပြီး ဒါက မာတီနက်ဇ်ရဲ့ ဂိုးပေါက်ကာကွယ်မှု အားနည်းချက်ကြောင့်ပေးခဲ့ရတာလို့လည်းပြောရမှာပါ။
အခုပွဲမှာ Clean Sheet နိုင်ပွဲရယူခဲ့တဲ့ အာဆင်နယ်အသင်းဟာ ၁၉၂၄-၂၅၊ ၁၉၇၁-၇၂ ရာသီနောက်ပိုင်း ပထမဆုံးအဖြစ် အင်္ဂလန်အဆင့်မြင့်တန်းမှာ ရာသီအဖွင့် ၂ ပွဲဆက်တိုက် ဂိုးမပေးရဘဲ နိုင်ပွဲရရှိခဲ့တာဖြစ်ပါတယ်။
ဒါ့အပြင် အာဆင်နယ်အသင်းဟာ နောက်ဆုံး ၃ ရာသီဆက်တိုက် ရာသီအဖွင့် ၂ ပွဲဆက် အနိုင်ရခဲ့ပြီး ဒါက အသင်းသမိုင်းတစ်လျှောက် ပထမဆုံးအကြိမ်ပါပဲ။
အက်စတွန်ဗီလာအသင်းဟာ နည်းပြအူနိုင်းအမ်မရီလက်ထက် ပထမဆုံးအဖြစ် ပရီးမီးယားလိဂ် အိမ်ကွင်း ၃ ပွဲဆက်တိုက် (၂ ပွဲသရေ၊ ၁ ပွဲရှုံး) နိုင်ပွဲပျောက်ခဲ့သလို ၂၀၁၉-၂၀ ရာသီနောက်ပိုင်း ပရီးမီးယားလိဂ်တစ်ရာသီအတွင်း အိမ်ကွင်းပထမဆုံးပွဲကို ရှုံးနိမ့်ခဲ့တာဖြစ်ပါတယ်။
Related
အာဆင်နယ်က ဂျင်းထည့်လိုက်လို့ ဗီလာကိုပြောင်းခဲ့တဲ့ ဂိုးသမား
အာဆင်နယ်ရဲ့အရန်ဂိုးသမားဟောင်း အီမီလီယာနို မာတီနက်က သူဟာ ဒီရာသီမှာ ကလပ်ရဲ့ ပွဲထွက်ဂိုးသမားဖြစ်လာဖို့ ၉၅% အခွင့်အရေးရှိတယ်လို့ မက်လုံးပေးခံခဲ့ရတယ်လို့ ဆိုပါတယ်။
အာဆင်နယ်ရဲ့အရန်ဂိုးသမားဟောင်း အီမီလီယာနို မာတီနက်က သူဟာ ဒီရာသီမှာ ကလပ်ရဲ့ ပွဲထွက်ဂိုးသမားဖြစ်လာဖို့ ၉၅% အခွင့်အရေးရှိတယ်လို့ မက်လုံးပေးခံခဲ့ရတယ်လို့ ဆိုပါတယ်။
ဂိုးသမား မာတီနက်ဇ်ကို အာဆင်နယ် ရောင်းပစ်ခဲ့တဲ့အပေါ် မေးခွန်းထုတ်လိုက်တဲ့ အီယန်ရိုက်
ဂိုးသမား အီမီလီယာနို မာတီနက်ဇ်ကို အာဆင်နယ်ရောင်းချခဲ့တာ မှားယွင်းခဲ့တဲ့အကြောင်းကို အီယန်ရိုက်က ထုတ်ဖော်ပြောဆိုလာခဲ့တာဖြစ်ပြီး အာဆင်နယ်အသင်း ရောင်းချခဲ့တုန်းက ရရှိခဲ့တဲ့ ပေါင်သန်း ၂၀ထက် အဆိုပါ အာဂျင်တီးနားသား ဂိုးသမားရဲ့လက်ရှိတန်ကြေးက ပိုပြီးမြင့်မားလာခဲ့တဲ့အကြောင်းကိုလည်း ပြောဆိုသွားခဲ့တာ ဖြစ်ပါတယ်။
ဂိုးသမား အီမီလီယာနို မာတီနက်ဇ်ကို အာဆင်နယ်ရောင်းချခဲ့တာ မှားယွင်းခဲ့တဲ့အကြောင်းကို အီယန်ရိုက်က ထုတ်ဖော်ပြောဆိုလာခဲ့တာဖြစ်ပြီး အာဆင်နယ်အသင်း ရောင်းချခဲ့တုန်းက ရရှိခဲ့တဲ့ ပေါင်သန်း ၂၀ထက် အဆိုပါ အာဂျင်တီးနားသား ဂိုးသမားရဲ့လက်ရှိတန်ကြေးက ပိုပြီးမြင့်မားလာခဲ့တဲ့အကြောင်းကိုလည်း ပြောဆိုသွားခဲ့တာ ဖြစ်ပါတယ်။
ဂိုးထဲတမင်ကန်သွင်းခဲ့တယ်ဆိုတဲ့ ဆာကာရဲ့စကားကို မယုံတဲ့ ဂရီးလစ်ရှ်
အက်စ်တွန်ဗီလာကြယ်ပွင့် ဂျက်ဂရီးလစ်ရှ်ဟာ စနေနေ့ညက ချယ်ဆီးအသင်းနဲ့ပွဲစဉ်မှာ ထူးခြားဆန်းကြယ်တဲ့ သွင်းဂိုးကို တမင်ရည်ရွယ်ပြီးသွင်းယူခဲ့တယ်လို့ ပြောကြားခဲ့တဲ့ ဆာကာကို ယုံကြည်ခြင်းမရှိဘူးလို့ သိရပါတယ်။
အက်စ်တွန်ဗီလာကြယ်ပွင့် ဂျက်ဂရီးလစ်ရှ်ဟာ စနေနေ့ညက ချယ်ဆီးအသင်းနဲ့ပွဲစဉ်မှာ ထူးခြားဆန်းကြယ်တဲ့ သွင်းဂိုးကို တမင်ရည်ရွယ်ပြီးသွင်းယူခဲ့တယ်လို့ ပြောကြားခဲ့တဲ့ ဆာကာကို ယုံကြည်ခြင်းမရှိဘူးလို့ သိရပါတယ်။
ကော်တင်ညိုကို ခေါ်ဖို့ မကြိုးစားခဲ့တဲ့အကြောင်း အာတီတာရှင်းပြ
အာဆင်နယ်ဟာ အခု အက်စ်တွန်ဗီလာမှာ တောက်ပနေတဲ့ ဘာစီလိုနာ အငှားကစားသမား ကော်တင်ညိုကို ခေါ်ယူဖို့ ဘာလို့ မကြိုးစားခဲ့လဲဆိုတဲ့အကြောင်းကို နည်းပြ အာတီတာက ရှင်းပြခဲ့ပါတယ်။
အာဆင်နယ်ဟာ အခု အက်စ်တွန်ဗီလာမှာ တောက်ပနေတဲ့ ဘာစီလိုနာ အငှားကစားသမား ကော်တင်ညိုကို ခေါ်ယူဖို့ ဘာလို့ မကြိုးစားခဲ့လဲဆိုတဲ့အကြောင်းကို နည်းပြ အာတီတာက ရှင်းပြခဲ့ပါတယ်။