အာဆင်နယ်က ဂျင်းထည့်လိုက်လို့ ဗီလာကိုပြောင်းခဲ့တဲ့ ဂိုးသမား
၈၊ အောက်တိုဘာ၊ ၂၀၂၀
အာဆင်နယ်ရဲ့အရန်ဂိုးသမားဟောင်း အီမီလီယာနို မာတီနက်က သူဟာ ဒီရာသီမှာ ကလပ်ရဲ့ ပွဲထွက်ဂိုးသမားဖြစ်လာဖို့ ၉၅% အခွင့်အရေးရှိတယ်လို့ မက်လုံးပေး ခံခဲ့ရတယ်လို့ ဆိုပါတယ်။
ဒါပေမယ့်လဲ မာတီနက်ဟာ ရာသီအစမှာ နံပါတ်တစ် ဂိုးသမား မဖြစ်လာခဲ့တာနဲ့အတူ အက်စ်တွန် ဗီလာထံ ပေါင်သန်း ၂၀နဲ့ပြောင်းရွှေ့သွားခဲ့တာပဲ ဖြစ်ပါတယ်။
မာတီနက်ဟာ သူ့ရဲ့ပထမဆုံး ပရော်ဖက်ရှင်နယ်ကလပ် အင်ဒီပန်ဒီယန်တီကနေ ၂၀၁၀မှာ ဂန်းနား တွေထံ ပြောင်းလာခဲ့တ့နောက် အငှားကစားရင်း အချိန်ကုန်ခဲ့ရတာပါ။
၂၀၁၉-၂၀၂၀ အကုန်လောက်မှာ အာဆင်နယ်ဂိုးသမား လီနို ဒဏ်ရာရခဲ့တဲ့နောက်တော့ မာတီနက်ဟာ နံပါတ်တစ် ဂိုးသမားဖြစ်လာခဲ့ပြီး ဂန်းနားတွေကို အက်ဖ်အေဖလား အောင်မြင်အောင် ကူညီပေးခဲ့တာ ဖြစ်ပါတယ်။
“နောက်ဆုံးတော့ ကျွန်တော် နံပါတ်တစ်ဖြစ်ခဲ့ပြီး အဲ့အတွက် အဆင်သင့်ပြင်ခဲ့ပါတယ်၊ အဲ့နေရာရဖို့ ၁၀နှစ် ကြာခဲ့တယ်၊ နေ့တိုင်း ဂိုးသမားအဖြစ် လေ့ကျင့်ရပေမယ့် ဘယ်သူကမှာ မင်းဘဝဇာတ်ကြောင်း အတွက် မပြင်ဆင်ပေးဘူး မင်းကို စိတ်ပျက်အောင် ဘယ်သူကမှ မလေ့ကျင့်ခိုင်းဘူး၊ ငိုအောင် မလေ့ကျင့်ခိုင်းဘူး၊ လေးလလောက် မကစားရတဲ့အခါ ဘာဖြစ်လဲ? ဆက်ကြိုးစားမလား၊ အနစ်မွန်းခံ မလား? ကျွန်တော် လွန်ခဲ့တဲ့နှစ်တွေအတွင်း အများကြီး လုပ်နိုင်ခဲ့တယ်၊ ဒါပေမယ့် နောက်ဆုံးတော့ ကျွန်တော် လုပ်နိုင်တဲ့အရာကို လောကကြီးက သတိထားမိလာပြီ” လို့ မာတီနက်က ပျော်ရွှင်စွာ ဖွင့်ဟခဲ့တာပါ။
မာတီနက်ဟာ လီဗာပူးနဲ့ ကွန်မြူနတီဒိုင်းမှာလဲ ပါဝင်ခဲ့ပြီး အာဆင်နယ်ကို နိုင်ပွဲရအောင် ကူညီပေးခဲ့တဲ့နောက် အဲ့ဒါက တစ်လအတွင်း ဝင်ဘလေမှာ သူတို့ဒုတိယ အကြိမ်ရခဲ့တဲ့အောင်မြင်မှုလဲ ဖြစ်ပါတယ်။
“ကွန်မြူနတီဒိုင်းပြီးတော့ ကျွန်တော် နံပါတ်တစ် ဖြစ်တော့မယ်လို့ ထင်ခဲ့တယ်၊ ဒါပေမယ့် အဲ့နောက်မှာလဲ လိဂ်မှာ ဘယ်သူပွဲထွက်မလဲဆိုတာ တိတိကျကျမသိရဘူး၊ ကျွန်တော့်ကို ဖူလ်ဟမ်နဲ့ပွဲမှာ ပွဲထွက်ရဖို့ ၉၅% အခွင့်အရေးရှိတယ်လို့ ပြောခဲ့ပေမယ့် ဘာလို့ ရာနှုန်းပြည့်မဟုတ်တာလဲလို့ ကျွန်တော် စဉ်းစားခဲ့တယ်၊ တခုခု မှားနေပြီဆိုတာ သိခဲ့တယ်၊ လူတိုင်းက ကျွန်တော့်ကို ဆက်နေစေ ချင်ခဲ့ပေမယ့် ထွက်သွားဖို့ ဆုံးဖြတ်ခဲ့တယ်၊ ကျွန်တော် အာဆင်နယ်ကိုရောက်တုန်းက ကျွန်တော့် ရှေ့မှာ ဂိုးသမား ၉ယောက်ရှိခဲ့တယ်၊ နှစ်တိုင်း ကျွန်တော် သက်သေပြဖို့ ကြိုးစားခဲ့တယ်၊ ဒါပေမယ့် ကျွန်တော် နံပါတ် တစ်အနေနဲ့ ထွက်ခွာခဲ့တယ်၊ ဒီလောက်ပါပဲ” လို့ မာတီနက်က ပြောဆိုခဲ့တာပဲ ဖြစ်ပါတယ်။
Related
ဂိုးသမား အီမီလီယာနို မာတီနက်ဇ်ကို အာဆင်နယ်ရောင်းချခဲ့တာ မှားယွင်းခဲ့တဲ့အကြောင်းကို အီယန်ရိုက်က ထုတ်ဖော်ပြောဆိုလာခဲ့တာဖြစ်ပြီး အာဆင်နယ်အသင်း ရောင်းချခဲ့တုန်းက ရရှိခဲ့တဲ့ ပေါင်သန်း ၂၀ထက် အဆိုပါ အာဂျင်တီးနားသား ဂိုးသမားရဲ့လက်ရှိတန်ကြေးက ပိုပြီးမြင့်မားလာခဲ့တဲ့အကြောင်းကိုလည်း ပြောဆိုသွားခဲ့တာ ဖြစ်ပါတယ်။
အက်စ်တွန်ဗီလာကြယ်ပွင့် ဂျက်ဂရီးလစ်ရှ်ဟာ စနေနေ့ညက ချယ်ဆီးအသင်းနဲ့ပွဲစဉ်မှာ ထူးခြားဆန်းကြယ်တဲ့ သွင်းဂိုးကို တမင်ရည်ရွယ်ပြီးသွင်းယူခဲ့တယ်လို့ ပြောကြားခဲ့တဲ့ ဆာကာကို ယုံကြည်ခြင်းမရှိဘူးလို့ သိရပါတယ်။
အာဆင်နယ်ဟာ အခု အက်စ်တွန်ဗီလာမှာ တောက်ပနေတဲ့ ဘာစီလိုနာ အငှားကစားသမား ကော်တင်ညိုကို ခေါ်ယူဖို့ ဘာလို့ မကြိုးစားခဲ့လဲဆိုတဲ့အကြောင်းကို နည်းပြ အာတီတာက ရှင်းပြခဲ့ပါတယ်။
အခုပွဲမှာ အက်စတွန်ဗီလာအသင်းအတွက် ဗီလိန်ဖြစ်ခဲ့ရတာက တိုက်စစ်မှူးအိုလီဝက်ကင်စ်ပါပဲ။