၈၊ မေ၊ ၂၂

 မန်ချက်စတာ ယူနိုက်တက်ဟာ ဘရိုက်တန်ကို ၄-၀ နဲ့ ရှုံးနိမ့်ခဲ့ပြီးနောက် နောက်ရာသီ ချန်ပီယံလိဂ် ဝင်ခွင့်မရတော့ဖို့ သေချာသွားခဲ့ပြီ ဖြစ်ပါတယ်။

သရဲနီတွေဟာ ပရီးမီးယားလိဂ် အမှတ်ပေးဇယားမှာ သူတို့အပေါ်က အာဆင်နယ်၊ စပါးတို့ကို လိုက်မီဖို့ အမှေးမှိန်ဆုံး မျှော်လင့်ချက်နဲ့သာ ဒီပွဲကို ကစားခဲ့ရတာပါ။

သူတို့ရဲ့ အရုပ်ဆိုးတဲ့ ပရီးမီးယားလိဂ်ကို နောက်ထပ်ဒဏ်ရာတွေပေးခဲ့တဲ့ ရှုံးပွဲနဲ့အတူ အခုဆိုရင် ယူနိုက်တက်ဟာ ယူရိုပါလိဂ် ဒါမှမဟုတ် ကွန်ဖရန့်စ်လိဂ် ကစားရဖို့သာ အမြင့်ဆုံး‌ မျှော်လင့်ရတော့မှာ ဖြစ်ပါတယ်။

ဘရိုက်တန်အတွက် ကိုင်ဆီဒိုက သူ့ရဲ့ ပထမဆုံး ပရီးမီးယားလိဂ်ဂိုးကို သွင်းယူခဲ့ပြီးနောက် သရဲနီတွေဟာ ဒုတိယပိုင်းမှာ လုံးဝ အရှုံးပေးခဲ့ရပြီး ကူကာရယ်လာ၊ ပါစကယ် ဂရော့စ်၊ ထရော့ဆက်တို့ရဲ့နောက်ထပ် ဂိုးတွေနဲ့အတူ ယူနိုက်တက်ရဲ့ ခံစစ်မခိုင်မာမှုတွေက မြင်သာခဲ့ပါတယ်။

ဒီရာသီမှာ တစ်ပွဲသာ ကစားဖို့ ကျန်တော့တာနဲ့အတူ ရက်ဖ်ရန်းနစ်ရဲ့အသင်းဟာ တစ်ရာသီလုံး ပေးဂိုး ၅၆ ဂိုးထိ ရှိခဲ့ပြီး ဒါဟာ ပရီးမီးယားလိဂ်သမိုင်းမှာ သူတို့ရဲ့ အဆိုးရွားဆုံး မှတ်တမ်းပါ။

သူတို့ဟာ တစ်ရာသီအတွင်း အမှတ်အနည်းဆုံး စံချိန်တင်ဖို့လဲ သေချာသလောက် ရှိနေပါတယ်။

၃၇ ပွဲ ကစားအပြီး သူတို့ဟာ ၅၈ မှတ်သာရခဲ့ပြီး ဒါဟာ ၂၀၁၃-၁၄ ရာသီတုန်းက ဒေးဗစ်မိုယက်စ် လက်အောက် ရရှိခဲ့တဲ့ ၆၄ မှတ်ထက် ၆ မှတ် ပိုနည်းပါးခဲ့တာပါ။

ဘရိုက်တန်ကို ရှုံးခဲ့တဲ့ပွဲအပြီး ယူနိုက်တက်အတွက် လွန်ခဲ့တဲ့ ၄၁ နှစ်ကျော်၊ ၁၉၈၁ မတ်လနောက်ပိုင်း ပရီးမီးယားလိဂ် အဝေးကွင်း ၅ပွဲဆက် ရှုံးခဲ့တဲ့ ပထမဆုံး အကြိမ်လဲ ဖြစ်ခဲ့ပါတယ်။