၂၇၊ စက်တင်ဘာ၊ ၂၀၂၀

ဘရိုက်တန်အသင်းကို မန်ယူအသင်းက အဝေးကွင်းမှာ ၂-၃ ရလဒ်နဲ့ အနိုင်ရရှိခဲ့တဲ့ မနေ့ကကစားခဲ့တဲ့ ပရီးမီးယားလိဂ်ပွဲစဉ်မှာ ဘရိုက်တန်အသင်းရဲ့ ကွင်းလယ်ကစားသမား လီယန်ဒရို ထရော့ဆတ်ဒ်က ဂိုးကန်သွင်းမှုတွေ ပြုလုပ်ရာမှာ မန်ယူအသင်းရဲ့ဂိုးဘားတိုင်ကို ၃ကြိမ်ထိမှန်ခဲ့တာဖြစ်ပြီး ၂၀၀၆ခုနှစ်က မန်ယူကစားသမားဟောင်း ခရစ်တီယာနို ရော်နယ်ဒို ရရှိခဲ့တဲ့ ပရီးမီးယားမှတ်တမ်းတစ်ခုနဲ့ တူညီတဲ့မှတ်တမ်းတစ်ခုကို ရရှိသွားခဲ့တာ ဖြစ်ပါတယ်။

မန်ယူအသင်းအနေနဲ့ မနေ့ကကစားခဲ့တဲ့ ဘရိုက်တန်အသင်းနဲ့ အဝေးကွင်းပွဲစဉ်မှာ ခက်ခက်ခဲခဲကစားခဲ့ရတာဖြစ်ပြီး ပွဲပြီးခါနီး နောက်ကျသွင်းဂိုးနဲ့ ကံကောင်းထောက်မစွာနဲ့ပဲ အနိုင် ၃မှတ်ကို ရယူနိုင်ခဲ့တာ ဖြစ်ပါတယ်။

မန်ယူအသင်းအနေနဲ့ ၎င်းတို့ရဲ့ ပရီးမီးယားလိဂ်ရာသီအစပိုင်း ဒုတိယမြောက်ပွဲစဉ်မှာ နိုင်ပွဲကိုပုံဖော်နိုင်ခဲ့တာဖြစ်ပြီး ပြီးခဲ့တဲ့အပတ်က ၎င်းတို့ရဲ့ ပရီးမိးယားလိဂ်ရာသီ အဖွင့်ပွဲစဉ်ဖြစ်တဲ့ ခရစ်တယ်ပဲလေ့စ်အသင်းနဲ့ ပွဲစဉ်မှာတော့ အံ့အားသင့်ဖွယ် ရှုံးနိမ့်ခဲ့တာဖြစ်ပါတယ်။ မနေ့ကပွဲစဉ်မှာ မန်ယူအသင်းအနေနဲ့ ပွဲချိန်မိနစ် ၉ဝပြည့်ပြီးလို့ နာကျင်ပိုအချိန်ပိုအတွင်းမှာ ၂-၂ ရလဒ်ဖြစ်စေခဲ့တဲ့ ဘရိုက်တန်အသင်းရဲ့ ချေပဂိုးကို ခွင့်ပြုခဲ့ရပြီးအဲဒီနောက် ကျန်ရှိနေသေးတဲ့ နာကျင်အချိန်ပိုမိနစ်အတွင်းမှာ ပင်နယ်တီပြစ်ဒဏ်ဘော ရရှိရာမှတစ်ဆင့် ဘရူနို ဖာနန်ဒက်စ်က ၃-၂ ဖြစ်စေမယ့် နောက်ဆုံးပိတ်အနိုင်ဂိုးကို သွင်းယူခဲ့တာဖြစ်ပါတယ်။ မနေ့ကပွဲစဉ်မှာတော့ ဘရိုက်တန်အသင်းက နီရယ် မူပေးရဲ့ ပင်နယ်တီသွင်းဂိုးနဲ့ အဖွင့်ဂိုးရရှိခဲ့တာဖြစ်ပြီး ပွဲချိန်ပထမပိုင်းပြီးခါနီးမှာ နောက်ခံလူ လူးဝစ် ဒန့်ခ်ရဲ့ OG သွင်းဂိုးနဲ့ ချေပဂိုးလည်း ပြန်လည်ပေးခဲ့ရတာ ဖြစ်ပါတယ်။ ဒုတိယပိုင်းပွဲချိန်အစောပိုင်းမှာ မားကပ် ရက်ရှ်ဖို့ဒ်ရဲ့ တစ်ကိုယ်တော်သွင်းဂိုးနဲ့ မန်ယူအသင်း ၂-၁ ရလဒ်နဲ့ ပြန်လည်ဦးဆောင်နိုင်ခဲ့တာဖြစ်ပြီး ပွဲချိန်မိနစ် ၉ဝပြည့်ပြီးလို့ နာကျင်အချိန်ပိုအတွင်း ၉၅မိနစ်ထိ အဆိုပါသွင်းဂိုးက အနိုင်ဂိုးဖြစ်နိုင်ချေရှိခဲ့ပေမယ့် ဘရိုက်တန်အသင်းရဲ့ကွင်းလယ်လူ ဆော်လီမတ်ချ်က ချေပဂိုးကို သွင်းယူသွားခဲ့ပြန်တာ ဖြစ်ပါတယ်။ ဒါနဲ့ပဲ ပွဲချိန်နောက်ဆုံးမိနစ်မှာ မန်ယူအသင်းရဲ့ ထောင့်ကန်ဘောကန်တင်ပြီးခဲ့လို့ ပွဲစဉ်ပြီးဆုံးဖို့ဖြစ်ခဲ့ပေမယ့် မန်ယူအသင်းရဲ့ ထောင့်ကန်ဘောကန်တင်ခဲ့ရာကနေ ဂိုးဧရိယာထဲမှာ နောက်ခံလူ မက်ဂွိုင်းယားရဲ့ ခေါင်းတိုက်ဘောကို ဘရိုက်တန် အဖွင့်ဂိုးရှင် မူပေးက လက်နဲ့ကာကွယ်ခဲ့သလို ဖြစ်ခဲ့တာကို VAR ပြန်လည်ကြည့်ရှုကာ နောက်ဆုံးမှာ ပင်နယ်တီပြစ်ဒဏ်ဘောအဖြစ် သတ်မှတ်ခဲ့တာ ဖြစ်ပါတယ်။ နောက်ဆုံးမိနစ်တိတိမှာရရှိခဲ့တဲ့ အဆိုပါ ပင်နယ်တီပြစ်ဒဏ်ဘောကိုတော့ မန်ယူကွင်းလယ်လူ ဘရူနို ဖာနန်ဒက်စ်က သေသေသပ်သပ်သွင်းယူပြီး အနိုင် ၃မှတ်အပြည့်ကို အရယူသွားနိုင်ခဲ့တာ ဖြစ်ပါတယ်။ နည်းပြ ဂရေဟမ်ပေါ်တာရဲ့ ဘရိုက်တန်အသင်းအတွက်တော့ ၎င်းတို့ အခွင့်အရေးတွေအများအပြား ဖြုန်းတီးခဲ့တဲ့အတွက်ပဲ အဆိုပါရလဒ်နဲ့ ထိုက်တန်ခဲ့တာဖြစ်ပါတယ်။ ဘရိုက်တန်အသင်းအနေနဲ့ မနေ့ကပွဲစဉ်မှာ မန်ယူအသင်းဖက်ကို ဂိုးကန်သွင်းမှုပေါင်း ၁၈ကြိမ် ပြုလုပ်ခဲ့တာဖြစ်ပြီး မန်ယူအသင်းကတော့ ဘရိုက်တန်အသင်းဖက်ကို ဂိုးကန်သွင်းမှု ၇ကြိမ်ပြုလုပ်ခဲ့တာ ဖြစ်ပါတယ်။ ဘရိုက်တန်အသင်းအနေနဲ့ ပွဲစဉ်အတွင်းမှာ ဂိုးတိုင်ထိမှန်မှု ၅ကြိမ်အထိ ရှိခဲ့တာဖြစ်ပြီး အဆိုပါ ဂိုးတိုင်ထိမှန်မှု ၅ကြိမ်ထဲကမှာ ၃ကြိမ်ကို ကွင်းလယ်ကစားသမား ထရော့ဆတ်ဒ်ရဲ့ ကန်သွင်းမှုတွေထဲကနေ ဖြစ်ခဲ့တာဖြစ်ပါတယ်။ ဒါ့ကြောင့် ဘရိုက်တန်ကွင်းလယ်လူ ထရော့ဆတ်ဒ်အနေနဲ့ ၂၀၀၆ ခုနှစ်နောက်ပိုင်း ပရီးမီးယားလိဂ် ပွဲစဉ်တစ်ပွဲအတွင်း ဂိုးကန်သွင်းမှုပြုလုပ်ခဲ့ရာမှာ ဂိုးတိုင် ၃ကြိမ်ထိမှန်ခဲ့တဲ့ ပထမဦးဆုံးကစားသမား ဖြစ်ခဲ့တာပဲဖြစ်ပါတယ်။ ၂၀၀၆ခုနှစ်မှာတော့ ခရစ်တီယာနို ရော်နယ်ဒိုက မန်ယူအသင်းနဲ့ နယူးကာဆယ်အသင်းတို့ရဲ့ ပွဲစဉ်အတွင်းမှာ ပြိုင်ဖက် နယူးကာဆယ်အသင်းဖက်ကို ဂိုးကန်သွင်းမှုတွေ ပြုလုပ်ခဲ့ရာကနေ ဂိုးတိုင်ကို ၃ကြိမ် ထိမှန်ခဲ့တာဖြစ်ပါတယ်။

TLM